Երևանի «Արարատը», նվաճեց Հակոբ Տոնոյանի անվան սուպերգավաթը: Այն սեպտեմբերի 24-ին Հանրապետական մարզադաշտում վիճարկվեց 2008թ. մրցաշրջանի Հայաստանի չեմպիոն «Փյունիկի» և գավաթակիր «Արարատի» միջև:
Երկու թիմերն էլ այս խաղում իրենց լավագույն կազմը չէին ասպարեզ դուրս բերել: «Արարատից» բացակայում էին հիմնական կազմի հինգ ֆուտբոլիստներ, իսկ «Փյունիկն» ընդհանրապես փոխարինող կազմ էր դաշտ դուրս բերել:
«Փյունիկը» խաղի հաշիվը բացեց արդեն 5-րդ րոպեին: Տուգանային հարվածով իր նախկին թիմի դարպասը գրավեց Մարկոս Պիզելլին: Սակայն երկրորդ կեսի ընթացքում Արտակ Գրիգորյանի խփած երկու գոլերի շնորհիվ «Արարատը» կամային հաղթանակ տարավ և իր պատմության ընթացքում առաջին անգամ նվաճեց այս տիտղոսը:
-->
Comments
Powered by Facebook Comments