Ֆուտբոլի Հայաստանի մինչև 19 տարեկանների կանանց հավաքականն ավարտեց իր ելույթները 2010թ. Եվրոպայի առաջնության ընտրական փուլում: Վերջին տուրի Լատվիայի դեմ խաղում հայ աղջիկները թեև խաղի ընթացքում 2-0 հաշվով առջևում էին, սակայն ի վերջո զիջեցին 2-6 հաշվով: Սա մեր թիմի երրորդ պարտությունն էր:
Առաջին երկու տուրում Հայաստանի մինչև 19 տարեկանների հավաքականը զիջել էր Բելգիայի (0:10) և Հունգարիայի (0:4) հավաքականներին: Այսպիսով Հայաստանի հավաքականը, խփելով 2 գնդակ և բաց թողնելով 20-ը, եզրափակեց 8-րդ խմբի մրցաշարային աղյուսակը:
