Հրայր Մկոյան

Հայաստանի հավաքականի պաշտպան Հրայր Մկոյանը երկու տարվա պայմանագիր է ստորագրել Երևանի «Միկայի» հետ և հաջորդ մրցաշրջանում հանդես կգա փոխչեմպիոնի կազմում: Հրայր Մկոյանը 2009թ. մրցաշրջանում հանդես էր գալիս «Ուլիսի» կազմում և դարձավ Հայաստանի առաջնության բրոնզե մրցանակակիր: Գյումրեցի ֆուտբոլիստն ավարտված մրցաշրջանում իր նորամուտն էր նշել նաև Հայաստանի ազգային հավաքականում՝ մասնակցելով Բելգիայի հավաքականի դեմ հաղթական խաղին:
Հրայր Մկոյանը 2009թ. Հայաստանի լավագույն ֆուտբոլիստների 10 թեկնածուներից մեկն է: