Երևանի «Բանանցը», որը 2009թ. ֆուտբոլային մրցաշրջանում Հայաստանի առաջնությունում զբաղեցրել էր 4-րդ հորիզոնականը, նոր մարզիչ ունեցավ: Ակումբի ինտերնետ կայքը տեղեկացնում է, որ թիմի ղեկը ստանձնել է մակեդոնացի մարզիչ Ստեվիցա Կուզմանովսկին: Նրա հետ երկու տարվա պայմանագիր է ստորագրվել: 1962-ին ծնված մասնագետը վերջին տարիներին աշխատել է ֆուտբոլի Բուլղարիայի առաջնությունում: Նա մարզել է «Բելաստիցա» և «Սոֆիայի» Սլավիա ակումբները, իսկ Կուզմանովսկու վերջին աշխատավայրը եղել է բուլղարական «Մոնտանան»:
Մակեդոնացի մասնագետին կօգնի Աշոտ Բարսեղյանը: Ֆիզպատրաստվածության մարզիչ է նշանակվել սերբ Ռադոե Սիմիլյանիչը, դարպասապահների մարզիչը կլինի անցյալում ճանաչված բուլղարացի դարպասապահ Նիկոլայ Դամեևը:
Կումանովսկին իր պարտականությունների կատարմանը կանցնի հունվարի 11-ին, իսկ մինչ այդ թիմը կմարզի Աշոտ Բարսեղյանը: